राजकीय आभास आणि प्रत्यक्षातील वास्तव

-
★राजकीय आभास v/s प्रत्यक्षातील वास्तव ★

काही गोष्टी दगडात खिळा ठोकून बसवावा तशा लोकांच्या डोक्यात फीट बसलेल्या असतात.त्या जागच्या हालत नाही.मग तुम्ही कितीही प्रयत्न करा.
      पश्चिम महाराष्ट्रातील एक पिढी त्यांचे शरद पवारसाहेब हे जागतिक नेते आहेत,ते एक दिवस देशाचे पंतप्रधान नक्की होतील हेच मानून जगत असते,तर मुंबईतील काही एरियातील मराठी लोक हे शिवसेना नसेल तर मराठी लोक मुंबईत उपाशी राहतील ,मुंबईतील मराठी माणूस मुंबईतून कमी होईल असे समजूनच जगत असते.या लोकांना तुम्ही कितीही समजून सांगण्याचा प्रयत्न करा,त्या लोकांना समजत नाही किंबहुना त्यांना मुळात समजूनच घ्यायचे नसते.लॉजिक वगैरे अशा गोष्टी या लोकांना जणू माहिती नसतात.
        देशाचा पंतप्रधान होण्यासाठी लोकसभेत 272 खासदार निवडून येणे आवश्यक असते. शरद पवार यांनी राष्ट्रवादी काँग्रेस पक्षाची  स्थापना केल्यानंतर आजतागायत राष्ट्रवादी काँग्रेसचे निवडून आलेल्या खासदारांची संख्या कधीही ९ च्या पुढे गेली नाही.तरीही पश्चिम महाराष्ट्रातील साहेबप्रेमी हे शरद पवार हे एक दिवशी भारताचे पंतप्रधान होतील हे डोक्यात एकदम फीट करून जगत असतात.
   मुंबईत शिवसेनेने मुंबईतील मराठी माणसांच्या डोक्यात काही गोष्टी हेतुपुरस्सर बिंबलेल्या आहे.मुंबईत जर शिवसेना नसेल तर मुंबईतील मराठी माणूस देशोधडीला लागेल, मराठी माणसांची संख्या कमी होईल, मराठी माणूस उपाशी राहिल, मराठी माणसाला मुंबईतून हाकलून देण्यात येईल ,मुंबई महाराष्ट्र पासून तोडण्यात येईल,अशा अनेक प्रकारच्या भीती शिवसेनेने मुंबईतील मराठी माणसाच्या मनात खूप रुजवल्या आहेत.
      मुंबईतील मराठी माणसाने जर लॉजिकली विचार केला तर मराठी माणसाच्या लक्षात येईल की या सर्व भीती शिवसेना मुंबईत असताना आणि शिवसेनेची मुंबई महानगरपालिकेत गेली २५ वर्ष असताना देखील अस्तित्वात आहेत.शिवसेना मुंबईत असताना मुंबईतील मराठी माणसांची संख्या मोठ्या प्रमाणावर कमी झालेली आपल्या लक्षात येईल.त्यामागील सामाजिक,आर्थिक, कौटुंबिक अशी अनेक कारणे आहेत.मुंबईत शिवसेना असूनही मराठी माणूस कधीही उद्योग धंदे किंवा व्यवसायामध्ये दिसत नाही.राहता राहिला प्रश्न मुंबई महाराष्ट्रापासून तोडण्याचा, जेव्हा देशात काँग्रेसची सत्ता ग्रामपंचायतीपासून लोकसभेपर्यंत होती, तेव्हा कधी मुंबई महाराष्ट्रपासून तुटली नाही तर आता मुंबई महाराष्ट्रपासून कशी आणि कोण तोडणार ?
आणि समजा महाराष्ट्रातील एखाद्या राजकीय पक्षाने मुंबई महाराष्ट्रापासून तोडण्याचा थोडा जरी प्रयत्न केला तरी त्या राजकीय पक्षाचे महाराष्ट्रातील अस्तित्व एका क्षणात संपुष्टात येईल.
    वरील सर्व गोष्टींचा महाराष्ट्रातील मराठी माणसाने जर लॉजिकली विचार केला तर लक्षात येईल की महाराष्ट्रातील वस्तुस्थिती नेमकी काय आहे. 

- मनोज राणे

Popular posts from this blog

सुखाची ओंजळ

-
Image
"कितीही लवकर निघालो तरी काही ना काही प्रोब्लेम्स निर्माण होतच राहतात...." असे मनाशी पुटपुटत शिरीष मुंबई सेंट्रल रेल्वे स्टेशनमध्ये शिरला.नेहमीप्रमाणे स्टेशन माणसांच्या गर्दीने ओथंबलेले होते.बाकी काही कां असेना मुंबईत गर्दीचा तुटवडा कधीही भासत नाही.मुंबईत समुद्राच्या लाटा आणि मुंबईतील गर्दी या दोन्ही गोष्टी नेहमीच उसळत असतात. गर्दीला ढकलत, स्वतःला सावरत शिरीष तिकीट खिडकीपाशी पोहचला.... "एक व्ही.टी" "एक तास लोकल ट्रेन बंद आहे...... देऊ कां तिकीट?" "बंद आहे?" मग इतकी लोकं स्टेशनवर कशी काय?" "माहिती नसलेले तुम्ही थोडे एकटेच आहेत.तेही तुमच्यासारखेच आहेत." तिकीट खिडकीच्या आत बसलेल्या माणसाशी हुज्जत घालण्यात काही अर्थ नाही हे समजल्यावर शिरीष तेथून निघून स्टेशन बाहेर आला.व्ही.टीला कसे पोहचायचो हा प्रश्न निर्माण  झाला होता.टॅक्सींंना शिरीषने हात करूनही एकही टँक्सी थांबायला तयार नाही.रस्त्यावरील प्रत्येक टँक्सी प्रवासी कवेत घेऊन धावत होती.चालत शिरीष पुढे आला.....काय करावे हे त्याला समजेना.जिग्नेश शहाला आज भेटणे कोणत्य...
Read more

I love Pune Traffic....

-
Image
Welcome to the traffic extravaganza of Pune, where chaos meets creativity, and patience is an endangered virtue.In this bustling city, the roads are like mazes designed to test your driving skills and your ability to navigate through a sea of honking horns. Here, traffic signals are mere suggestions, like a gentle nudge in the right direction.Who needs those pesky red, yellow, and green lights when you can rely on the intuitive traffic flow of the masses? It's like a synchronized dance, where everyone competes for the most daring moves and the tightest squeezes. You'll witness the true artistry of lane-changing, where indicators are optional and merging is an Olympic sport. Forget about those boring road signs; they're just there for decoration.Who needs directions when you have the power of honks and hand gestures to communicate your intentions? Oh, and let's not forget the sacred tradition of double parking. It's a creative masterpiece, where two cars ...
Read more

नात्याची मखमली शाल

-
Image
💖नात्याची मखमली शाल💖  जन्माबरोबरच मनुष्य नात्यांच्या अनेक बंधनाची  शिदोरी सोबत घेऊन येतो.मनुष्य, मनुष्याचे कुटंब,अनेक कुटंबांच्या एकत्रीकरणातून निर्माण झालेला समाज आणि अनेक समाजांच्या सुमधुर नात्यांमधून निर्माण झालेला देश.            नाते कोणतेही असो...नाते आणि झाडं यांच्यात काही गोष्टींबाबत कमालाचे साम्य असते.ज्याप्रमाणे बहर ओसरल्यानंतर झाडाला खतपाण्याची आवश्यकता असते;त्याप्रमाणे नात्यांनाही संयम,सहिष्णुता आणि आत्मियता रूपी खताची आवश्यकता असते.यासाठी एकमेकांची विचारपूस केली पाहिजे... एकमेकांची काळजी घेतली पाहिजे... एकमेकांवर नियंत्रण न ठेवताही एकमेकांच्या तणावांवर नियंत्रण ठेवता आले पाहिजे ...आपलेपणा असल्याशिवाय कोणतंही नातं बहरत नाही. नाती निर्माण करता आली पाहिजेत.. नाती फुलवता आली पाहिजेत आणि त्या बहराचा आनंदही घेता आला पाहिजे.     संवेदना हा  कोणत्याही नात्याचा पाया असतो.... संवदेना म्हणजे साम आणि वेदना, म्हणजे सुख आणि दु:ख मिळून तयार झालेले रूप,जे मनुष्याला आयुष्यातील ऊन सावलीच्या भावनांशी ओळख करून देत असते.संवाद ...
Read more